大象歷險記

大笨象吹水樂園約好9點半在烈治文宜家吹水，享用那裡的一蚊一個早餐。公爵本來一早計劃好行程，135、Canada Line、430在Sweden Way落車行去。在Bridgeport巴士站發覺407在Sweden Way有站，且比430早來四分鐘，於是搭了407。豈知407不走Bridgeport Road，走入一個街的Vulcan Way。本來行遠一點也沒所謂，只是走錯去Viscount Way的死胡同，睇見宜定招牌，但隔了公路不能直達。約好時間又到，只得急電請來大象兵團救駕，卒之在Home Depot脫險。

公爵脫險吹水，可是香港股場的大象就似乎艱險重重，被各國政府”迫害”，罰銀罰到怕，最近連頭頭也中箭。公爵本來不太關心，唯一怕的是收檔後無養老金發放，幸得園友提醒，天大事都有楓葉政府包底，當堂輕鬆晒。

楓葉政府這麼好，納稅是應該的，所以問定園友有乜報稅軟件可用，據聞studiotax 2014好用，可在網上免費下載。

Read Full Post »

叫救命–中集

昨發現爐頭觸控屏不妥，叫晒救命，只得好友睇倒，但他不是神仙，問題未解決。

我知來緊會好煩，因為雖在保養期，要”三叔”SamSung做野一定要不畏煩。一個月前CBC加拿大廣播公司做過一個特輯，說消費者追大公司有關保養，三叔之名特別臭，而今公爵有幸要領教了。

1. 一早上網在”我的三叔”開一戶口，姓名地址梗啦，仲要知我出生年月日? 生日時有禮物送俾我咩? 是旦啦。居然話我設定的密碼太簡單，要我另交一個。其實我都好專業咖啦，還嫌不足，只好順住三叔意啦。

2. 在三叔”我的三叔”登記番物品名稱，出世編號，幾時買，邊度買等等。當然仲要接受佢的條款，例如收埋佢嘅產品推介電郵等等…

3. 想在在線聊天道出我爐頭問題及尋求解決，接通Live Chat，給了一個聊天編號，我道出問題，不及抄下編號就斷線。噢！是意外還是有心呢? 不知到！

4. 既是未解決，只好再來一次，今次編號LIK1125603230642X，Lemuel同我對話。在此再一次說出問題，他亦一次叫我停電通電，得出結論要找技術員看看，他隨手給我一條連結登記找技術員。【乜佢唔可以同我登記攪埋咩?】

5. 這連結該有三部曲，入去一填，已有我爐型號及出世淋把，另有200字母可打原因之類。填完轉入第二部曲時，三叔又玩野，叫我打電話。【唔係嘛? 點解唔一早叫?】

6. 再打三叔電話，答左用英文及家用電器就自動飛線，再嚮兩聲又斷線。好彩三叔的一個Yong先生跟著來電，以為有救星啦，點知又重覆問題、關電通電，多左有叫用乾布抹抹觸控屏，但問題仍未解決。佢話30分鐘後來睇，不過一粒鐘仍未見人。

7. 想打番來電話找人，原來係unknown caller，想找番Yong都好難囉。

8. 未解決，點好呢? 只好再電三叔。今次飛線去了Alex道，他一看紀錄，知我早前打過電話，問題是不決不休的了。他實實在在問問題，再看紀錄，給我發張問題柯打5110891358，嘩10位號碼，要我拿此號碼，再與服務部講。

9. 呵呵，大公司，一切有序。那Alex就轉左我去服務部，一位女士(好似食緊野)第一句是問問題柯打，查看一輪，同意給我正式(早前流程都好正經丫)發張維修柯打。維修柯打編號4129151603，會指派一間Totem Appliance & Refrigeration Ltd.來同我維修。她說該公司會在1-4日內與我電聯。

10. 都算好彩，4點17分那Totem公司一位美女(其實英語發音好靚)就聯絡我，要我拿出買爐証明來，另方面他會預備配件，之後再另約時間維修喎。好，我就拿出來給她看，E-mail 囉。

如此這般攪了一天，問題仍未解決，還幸解決有望，等緊大團圓結局。

Read Full Post »

叫救命

三叔爐頭(Model:FX510BGS)早幾日beep beep聲叫救命，初時不為意，今日才發覺有個-5E-錯誤訊號出了來，而且個觸控屏又唔聽駛，按極都沒反應。

看用戶手冊，得知-5E-是”Shorted Key”，乜鬼係shorted key? short左有乜影嚮? 會不會導致危險? 又不見解釋，只說解決方法是停止電源，三十秒後重啟，若然問題持續，可找如下專人求助。

停電再開，爐頭重啟，但觸控屏問題仍未解決，即是用不到焗燼啦….真救命….好煩呀！

有冇神仙打救？

Read Full Post »