May | 2016 | 《那星世界》

Archive for May, 2016

今日過了一個繁忙早上。

忙在招呼一班可愛的泳友，Jennie搬了個成20吋直徑，17吋高的大膠花盆給夫人。另方面丁太又拿了兩個蟹籠給夫人，原來仲有埋放籠的繩。真係萬事俱備，只欠東風。

早餐後去驗血，今回人不多，一陣就攪掂。跟著就做孔明，去借東風。其實東風係去領張Tidal Water Sport Fishing Licence。

事畢，隨時可以釣蟹，直至明年三月三十一。

昨日打開信箱，收到一張單，登時牙痛，因為又收到市府的2016年地稅單，同時叫那些自住業主申請他們應得的津貼。

呵呵，真係好心，若偶不留神，不申請就失左應得的津貼，尤其是公爵這些老人家。

今年稅金有36.7%去左學校，老鬼無仔女讀緊書，三份一有多的稅金已形同白交。另外7.5%走左去Translink，無啦啦又奉獻左俾這個無王管、只懂花錢的公共交通機構。唉，原來差不多一半的稅款是如此去了！

七月五日到期，忘記要多罰5%，趁記得，都係早交早著。

香港人叫草莓做士多啤梨，係英文strawberry音譯而來。士多啤梨果實略呈心形，鮮紅多汁，質地柔軟，氣味芬芳，含豐富維他命、有機酸、及礦物質，是相當受歡迎的水果之一。

士多啤梨好易繁殖，花園種或盆栽都可以。其實士多啤梨葉綠果紅，亦有相當觀賞價值。

昨日落雨天陰，夫人趁機（趁地淋，因為是日落雨破紀錄，一天落了平均五月一個月的雨量）把兩盆士多啤梨移植到公爵府花園。今天撿視，移植相當成功，相信很快就有果子吃了。