夫人過中秋已夠精彩,原來精彩尚在後頭。
今夜無眠非賞月
有病要同醫生說
十字車送急症室
候診期間吟七絕
當最需要醫生的時候,醫生就不在。星期四夫人發覺尿頻兼排尿赤赤痛,想約見家庭醫生,湊巧,他放假,要10月3日星期二才返診所。當晚病情開始加重,發冷發熱,之後週身骨痛。到星期五,中秋節,雖然有些焦慮,但又不知點做至好,想過完節再算。豈料就在月圓之夜,該是觀賞超級朗月之時,夫人開始又凍又痛,且尿液看去變濁。
情況可大可小,即時打911叫十字車入院。911通電說明病人地址後不出兩分鐘,消防急救到(8:47pm),跟住十字車到(8:53pm)。問明症狀及登記好病人資料,即送本那比醫院,途中十字車人員已代辦好入院手續。
到醫院即抽血,量血壓,取尿液樣本,接著就是等,漫長的等見醫生。星期五晚通常是一忙的日子,因為較多人出外玩,尤其遇到月尾公司/政府糧期,人多聚集就意外多。我們插隊時已聽到有人媽媽聲,等了七八個鐘仍見不到醫生。後得知,醫生都會病,病一個就少一個當值,早前急症室得一個醫生,當被安排到床位時,我見一個都無,再過一段時間才有兩個出現。
醫生給夫人診症時,已近6:30am。原來夫人患膀胱炎,比尿道炎重啲,但又未至腎炎咁嚴重。後由護士施藥及吊鹽水,臨走交醫生處方自行往藥房配藥。藥名 Ciprofloxacin ,係抗生素,要食晒!拍拍籮柚出院時已7:45am,月亮不見,只見到紅紅的太陽。