April | 2016 | 《那星世界》

Archive for April, 2016

四月最後一天，夫人話想睇醫生，真係扭計，早幾日唔得嘅，偏偏周六醫生休息，最快星期一啦。佢話個胃有啲唔舒服，都成個星期，睇睇都好，醫生說話夠權威，安心啲嘅。也許星期一，飲完茶再約囉。

無節目就去巡視宜家，夫人睇中一張枱，四張椅，同埋鋪室外嘅木階磚。其實佢好想鋪「小便」好耐，返去計計數再算。「小便」約略2.3mX3.3m，可能要10扎@9塊的RUNNEN Floor decking 了。今次無買野，荷包全身而回。

今日自拍左一張相，背景唔係法庭裡面，你估我地傻咩，犯法野留番俾傻佬做。話時話，佢又傻得幾云循，律師會主席都話做過。相片背景係去宜家的天車上。

昨日曾數算退休十年，發覺數漏一樣，就係期內有關打雀的變異。

其實打麻雀算是家教，自幼就曉，因為以前家中無事一家人就玩，看在眼裡，怎會不識。此後，麻雀就是我的交際和娛樂。退休後就常與一班泳友竹戰，不只無需娛樂費，反而是微量「入息」的來源。

十年過去，好景不常，因為昔日雀腳凋零，死的死，病的病，餘下一半痴呆，久久未能成局。我諗我的技術也是退步了，因為今年到今，交了200元「娛樂費」，莫非疏於戰陣，操得少使焉。

今天又是4-28，不經不覺，退休已是十年。十年人事幾番新，這十年真的頗多變化……

唔使做，冇薪水；雖然不多，但瞓醒就賺到公司及政府的退休金，唯一需要的是命長。

唔見左個家姐，但多左個老婆、一個女、一個仔、一個孫女、兩個孫仔，其一仲有公爵的DNA。

公爵身份，由老爺按步升為爺爺。

申請埋OAS老人金，原本可得26/40，但食乍糊，最終只收21/40，因為稍後評估，有5年不算居於加國。

經歷世界金融風暴，量化寬鬆。

我愛愛股（2357中航科工），可惜愛股唔多愛我，關照有限，其餘股票投資更是乏善可陳，沒輸死算大命。

眼見大國崛起，強國經濟盛衰。

香港一國兩制，名存實亡。

眼見自己出生地，東方之珠的香港，在特區政府统治下，敗壞衰落，以往多方面很高的排名、指標等，有如江河日下。一切變得荒謬，一切感覺陌生。

最後還是選擇山明水秀的溫哥華，過那種豆南山下的生活。

……。

呵呵，如此就十年，由踏入花甲走近古稀，只不知此生還會再有多少個十年? 唔理咁多，努力加油，駁長條命，食窮公司及加拿大政府!