記得2006年尾,曾經做過一個大事回顧,當時退休不久,竟可數到10件大事,真係了得;而今是是但但,且看數到多少啦。
(1)仍然健在。退休快將10年,仍然健在,真係神嘅恩典,早知可以咁長命,就不和公司簽約「減收部份退休金」以換取「起碼收5年」。哈、多個仙用下都好丫。
(2)多個人保佑。外母乸當我們9月回港那天發生意外,最終不治,雖在港往返羊城多次,總比在加買張機票專程奔喪便宜。她的去世,多咗個(先)人保佑,起碼保佑咗夫人荷包多了幾毛。
(3)兩次當爺爺。去年結婚嘅阿鋒和阿傑都添丁,是以公爵升咗級,是那星公爵爺爺了。希望啲孫仔身體健康,快高長大。
(4)寶刀未老。自從在公爵府另起爐灶之後,麻雀打得比去年多,好多時都不用勞師出征。今年仍是寶刀未老,贏多輸少,全年累積破紀錄贏得超過千元。
(5)公爵加冠。返港前一個月,那隻問題牙(補過那隻)忽然崩裂,有碎片跌落,卒之要做一個牙冠。雖然燕梳承擔一半,但一半都令公爵「牙痛咁聲」。
(6)老人金核實。因為改變婚姻狀況,加上夫人名字,加政府重開公爵老人金檔案,多次索取香港出入境記錄核實可享年期。最終核實,扣除5年時間在港,由26年變成21年,好彩在65歲開始,收受未久,回吐不傷。
(7)種瓜得瓜。夫人在公爵府陽台耕種,種瓜種豆種番茄,不負辛勞,果然有穫。最得意就是一株青瓜,先後結了多達11個大大的果,最大的長16吋半。呵呵,明年會調配資源,將會落力耕種。
(8)《那媽》好品牌。那媽出品,必屬佳品。那媽今年除了蒸糕整餅外,仲發展到醃鹹魚、製藍莓乾、焗三文魚乾,焗豬肉乾、製罐頭三文,焗製鳳梨酥。呵呵,那星真係有食神,唔恨得咁多咯。
(9)無遂自薦。大廈入伙近兩年,進行第二次會員大會,公爵只想知多啲,就無遂自薦當上理事。自覺無乜貢獻,但最大功勞是令理事會夠人數開得成會。
(10)捉到鹿唔識脫角。雖然公爵嚐過鹿肉,可惜捉到鹿唔識脫角。話說港股受A股影響,一度發燒,2357曾升超十蚊,可惜唔識脫角,又跌了回來。此役大陸股災要救市,越救越論盡,對大陸股信心全失,都係明哲保身,唔同佢玩,樂得安心。
(11)雪人迎瑞雪。溫哥華成年沒落雪,公爵在陽台放一雪人求雪,雪人醒目易見,街坊叫好,卒之為雲城求來一個白色聖誕,而今北岸高山一片白頭,增添無限美色。正 ! 值 !
(12)再上高峰。《那星世界》的點擊今年勝舊年,超越16400次,而文章《申索強積金,提早又稱心》也有5190次,間接証實公爵想法,香港要移民的人越來越多了。
呵呵!送舊迎新,祝願新年進步,HAPPY NEW YEAR to all。