神經刀

牌弱徧遇神經刀
攻守全非依正路
嗚呼坐在她下家
俾佢斬到反晒肚
四圈僅能糊一鋪
仲係細細有如無
執位局勢未逆轉
只輸十九已叫好

Read Full Post »

假期延續

今日星期天，一般都不用上班，是假期延續。外面仍然冷雨寒風，唯獨不見飄雪，使人很想偷懶。無錯，溫暖的被窩卒之戰勝外出游水的意慾，游水亦都假期延續。

賴在床上直至要起來醫肚，食完早餐如常出動，今日刻意巡視「乜都啱」，果然不像昨天多人，原來Boxing day購物的習俗仍然未減，真係商人有福了。

一年一次給人機會趁熱鬧，用熱鬧嘅熱力去解破寒冬，值得支持。

Read Full Post »

Boxing day

今日扑星day，唔係那星公爵都要扑嘛？

嘆左早餐就去「乜都啱」，仲未夠十一點，Sport Chek 面前已大排長龍，等住搶野。我地對電子產品，衣服鞋襪都唔啱，都係鍾情飲食，所以仍舊巡視「掃把士多」和大統華。正以為無野可扑之際，發現大統華的「舊街場」三合一咖啡做特價，每包15庄x40g賣$5.38。夫人如獲至寶，一扑便掃貨半年。

當我地離開「乜都啱」時，「麽」裡已人潮泛濫，塞滿了人，比得上元朗街頭，不同處是沒有「拉喼碌腳」。等車走時，更見對面不斷有人排隊入場。公爵發誓，在加國從未見過這麽多人，今天首次。

Read Full Post »