June | 2018 | 《那星世界》

Archive for June, 2018

想從前，紅簿仔時代，銀行半年結，同時打息給存户，做生意的也會盤點存貨，這就是半年結。

今日6月30，2018過了一半，這半年其實乏善足陳，社會不安，經濟下滑。貿易戰雲密佈，子彈橫飛。看來下半年物價必然飆升，一般大眾只有越來越辛苦。

麻雀方面，都算好彩，輸輸贏贏，半年總結，幫補不多，只執得$245。大致係得過娛樂，有幾個人陪囉。呵呵，今日幾happy，因為食咗兩鋪十三么。寄望下半年執多啲啦！

眼鏡斷髀，兩星期前去麗晶的麗睛配，加拿大也真厲害，乜配件都得從多倫多轉運。如此一攪，要兩星期才配妥。

今去取，戴上，登時眼前一亮，大放光明。不錯，一副好眼鏡是非常重要。所謂好，是指精確糾正視力，保護眼睛，配合面形，輕巧及久穿不累。要求多多，價錢平咩！

呵呵，反正Sunlife津貼$175，不得難為自己。網上索償，快而妥，Sunlife值得一讚。

Posted in Uncategorized on June 28, 2018| 1 Comment »

「地下鐵路，為你建造」是當年地鐵公司的宣傳口號。講真當年地鐵真材實料，疏導交通，亦大大減低旅程時間，尤其造福上班一族。不過地鐵與九鐵合併後的港鐵就「大到不能倒」，而且係無王管。馬（屎坑）主席曾說一般人非專業，識條鐵咩，地鐵管理層話OK即是OK啦!

馬豪言未幾，好快已收聲，因為港鐵沙中線建造工程醜聞越揭越多，大大存在違規建築、失職、包庇、甚至集體貪污成份。最爆的剪筋事件，其實最好抽樣撿查，避而不做，實草菅人命。真想豆腐渣工程導致死人咩 ? 中科爆料，想亦情非得意，只怕人命關天，第日要孭黑鑊。

公爵對沙中線實無信心，貼兩蚊也不敢搭，不過屯門線又傳出橋墩沉降。看來港鐵最好改改口號，「港鐵嘅鐵路，危機埋响度」! 搭不搭隨你，反正那班高官、港鐵管理層，建築承辦商，個個有私家車，是不會搭的。