養兒一百歲

早些時，公爵上呼吸道有些感染，初初只係流鼻水，後來喉嚨痒，有些痰，漸漸頂住條氣，kamkam聲，啲痰吐又唔係，不吐亦都唔係，鬼咁唔舒服，真係苦不堪言。

大人知道乜野，尚且如此，沒病痛「經驗」嘅BB就可想而知，俾啲痰塞阻呼吸，分分鐘會做成危險。Ryan感染病毒害病，俾痰頂住，想向爸媽求救又唔識講。細細個要受啲咁嘅苦，好戥佢可憐!  好彩又是醫院小兒科，施以藥物與及導管吸痰，今天可以痊癒出院了。

養兒一百歲，常憂九十年。育兒真是一個長期鬥爭，對Ryan父母來說，戰爭剛剛開始，不過值得啵，睇佢嘅短片好可愛，又想啜奶的樣子。加油啦! 

Read Full Post »

派錢最實惠

鬍鬚曾第九份財政預算，一如以往，沒有新意，那星公爵絲毫沒有著數。

減差餉要有物業，減薪俸稅要有工作，減利得稅要有生意盈利，加津貼要係接受緊社會福利，因為公爵乜都無，所以只係得條「毛」。但係政府高地價賣地收入，及外匯儲備基金投資收入，係每個港人都該有份分的呀!  最實惠就係派錢，但財爺偏偏不做，寧願掉錢落大白象工程，成立乜乜乜基金，製做一些有得睇未見使的會計賬目，真係豈有此理。

這份預算，本該零分，但他在開頭和結尾，總算講了些人話，對初一動亂，本土情懷，政治爭拗等，都有一個較客觀理性說法，就給他9分啦（100滿分），9分不合格! 

Read Full Post »

乍暖還寒

初春，天氣乍暖還寒，午間陽光普照下散步，相當舒服。於是走去一元店巡視及去超市買鮮奶。

這裡鮮奶比香港平，平時4公升庄只售加幣$5.00（折合約HK$6.75一公升），但而今做特價（2公升庄原價$3.00/樽），2樽x2公升庄只係賣加幣$4.00（折合HK$5.40），限買，所以買了兩樽。

回程閒談，夫人妙想，買幾隻鷄花在公爵府養，希望牠們消化部份廚餘，由雞花養大到雞乸，雞乸可以每日生蛋，平時就拖出街散步及吃草，好似放狗咁，不同者，雞最終可以劏來吃，又或者煲湯。

呵呵，諗得過，不知那裡有雞花賣呢？

Read Full Post »