負心多是讀書人

好似「江湖」這一詞，「義氣」真係好抽象，不過有睇過《三國》、《水滸》或者武俠小說嘅人，一睇就知係乜意思。原來「義氣」可以理解為在複雜社會（江湖）中朋友嘅互相幫助。

甲幫過乙，乙欠甲一個人情，有條件時乙唔幫番甲就係唔夠朋友，江湖上叫做無義氣，甚一點係反骨仔，無人願意同反骨仔交朋友嘅。

有時好難怪年青人，因為現時教育只教讀書識字同埋搵利益，好少教如何立身處世兼做人，唔識做係唔出奇。無義氣係會受到教訓，睇以後明唔明，改唔改咯，人生就是從教訓中成長。

Read Full Post »

麻雀遊戲

打麻雀雖然只是一個遊戲，不過有啲社會嘅縮影，因為麻雀有規有矩，不得亂來。一般人都會按照法則，看局勢考慮攻守，或做牌，或求和，或誅張，不會馬虎出牌，因為每發一  張都要承擔後果，輸錢就唔好啦。另外更加不會容許同枱出術，一經發現必定揚聲追究。麻雀有這麽一個好制度，所以十分吸引，公爵亦樂此不倦。

香港本來是一個奉公守法的好社會，不過近年官員做事無需負責任（例如鉛水事件，工程超支延誤，新民航系統未能如期出爐等），亦無懲罰。呵，咁都得，打牌輸左唔使俾錢咯，仲兒戲過打麻雀! 更加離譜就係高官收左5000萬，立法局不查，不準查! 肯定制度出了問題，是時候撿討。「五區公投，全民制憲」啱聽，既然有人提出，跟大隊踏出一步啦。

俾人出術，呃左都唔出聲，唔反枱，咁無得講，依啲係縱容，縱容不義亦是一種共業，業有業報，中國特色全面管治香港那時就苦過Dee Dee咯。

Read Full Post »

仗義每多屠狗輩

仗義每多屠狗輩，負心多是讀書人。講到香港政局，只要有腦又肯留意，都心知肚明。政府已禮崩樂壞，立法機關差不多成為橡皮圖章。選議員入局，選些仗義敢言肯勇武抗爭，還有一線希望，還選些青靚白淨乜師勿師就嘥氣。

想中國早啲攪掂香港，當然選建制派（民建聯、自由黨、工聯會……等等）候選人啦。若不，非建制陣營其實好易揀，有良好過往紀錄，肯做事，做到事，不畏強權，不屈不撓就只得熱普城聯盟，這聯盟不單只有屠狗之輩，亦有有策有略的謀人，時間表路線圖亦<供開在政綱給選民睇，只此已與其餘非建制不同。

熱普城一眾都肯為香港付出，你香港人不投熱普城，真係後果自負! 熱普城五區參選名單如下:
新界西: （5 號）鄭松泰，張耀心
九龍西:（7 號）黃毓民，馬愉生
港島區:（7 號）鄭錦滿，鍾琬媛
九龍東:（10 號）黃洋達
新界東:（4 號）陳云根，李珏熙

Read Full Post »