又多隻腳

馬太福音7章7節咁話: 「你們祈求，就給你們；尋找，就尋見；叩門，就給你們開門」。

呵呵，公爵祈求可以打場麻雀，尋找隻腳開檯。果然，揾到一隻新腳開檯，佢地一叩門，便讓佢地入來打其十二圈。新腳係許太，打得非常穩陣，好少博牌，結果佢輸一粒。

高佬黃太一拖三，即係公爵要陪輸，又唔見34粒。唉，雖然食幾手八番，包括絕張九萬十三么，但都係輸，近無佳作。

Read Full Post »

提取RRSP

RRSP係加拿大的註冊退休儲蓄計劃Registered Retirement Savings Plan，賣點係一面儲蓄，一面把收入年度的稅務延遲。當年對此受落，買買買，其實有點後悔買得太多，又沒周詳考慮如何提取，最終都係要俾稅。

今日約左銀行，要攞錢。政府有你冇理，即時扣起應課稅項，當然有多冇少，有多的就在明年報稅後退還。

RRSP其實不是最佳選擇，只是當年沒有TFSA免稅儲蓄戶口Tax Free Savings Account這一選項。由2009年起，政府才不捍盡殺絕，網開一面準設免稅戶口，該戶口內的儲存及投資收益，提取時都無需納稅。對萬稅國市民來說，當然好啦，只是儲存每年都有上限，由2009年到2016，最多不得多於46500，如果投資有道，對一般打工仔嘅退休都會好啲。

Read Full Post »

感恩，滿載而歸

時已深秋，不過日間有太陽，氣温高達20，老本土就叫這氣候做印第安夏季Indian summer。正因為有陽光，且日夜温差較大，陽光把樹葉釋出的澱粉質煮熟，使葉子變為紅色。看來今年的葉子特別紅，到感恩節時（10月第二個星期一，今年係10月10日），將會有可觀的紅葉景象。

公爵府對開的屋苑，種有多株大樹遮蔭，也因温度及陽光合適，紅得特別靚。天上藍天白雲，山頂長青松柏，白色牆，黑色瓦嘅建築，紅葉在前，就構成一幅美麗圖案。

趁此美景良辰，外出散步，走走下，行到多年同學屋前，於是順道多謝她送贈的鹵水雞。這雞真係做得香滑多汁兼入味，oishi好食無得頂。呵呵，點知佢又客氣，不只口授鹵水配方，仲俾埋花椒八角等一些香料，更邀到她的園中採摘，紅番茄，黃金茄，士多啤梨，仲有黑加侖香提子。食完仲拎，又是滿載而歸。

Read Full Post »